نكت على الزمالك

واحد زملكاوى طلع له عفريت فى الفانوس السحرى وقال له شبيك لبيك عبدك
بين ايديك قال انا عايز اشوف المرحوم ابويا ...العفريت قاله ده طلب صعب
جدا اطلب حاجه تانيه قاله عايزين نفوز على الاهلى..... العفريت قاله انت
ابوك مات سنة كام ؟؟؟


2-واحد زملكاوى ليلة زفافه فى غرفة النوم
العروسة للعريس : قبل ماتلمسنى احلف انك مش الراجل الاول فى حياتى
العريس الزملكاوى رفع ايديه للسما وقال
هو يارب المركز التانى ده ورايا ورايا


3-مره واحد زملكاوى راح إشترى بطيخه .. فطلعت حمرا.. راح مرجعها


4-مره واحد زملكاوى بيوقف تاكسى بيقوله 6 اكتوبر فقاله لا ستة واحد


5-مره واحد زملكاوى اشترى ساعه كل ماتيجى الساعه 6 تقول له بيبو بيبو بيبو


6-مره واحد زملكاوى حب يتجوز واحده اهلاويه جابوا المأذون من ايطاليا


7-واحد زملكاوى متعصب خطب واحدة بيسالها عن عيد ميلادها قالت له 6\1 فسخ الخطوبة


8-اهلاوى اتجوز زملكاوية ستتها ............ ..


9-مره واحد زملكاوي شاور لتاكسي فسآل السواق وقاله رايح ابوالعلا السائق قاله لا : رايح ابو تريكه


10-مرة واحد اهلاوى....وواحد زملكاوى...كانوا الاتنين جيران ...سكنين فى بيت واحد....
الاهلاوى ساكن فى الدور الارضى....والزملكاوى فى الدور التانى............
فكل اما الزملكاوى ييجى تطلع...الاهلاوى يقول مين اللى طالع......
الزملكاوى يقول انا الزملكاوى......يقوله الاهلاوى غلبناكم ستة واحد 6/1
الزملكاوى ييجى ينزل.......يقول الاهلاوى مين اللى نازل......
الزملكاوى يقول انا الزملكاوى.....يقوله الاهلاوى غلبناكم ستة واحد6/1
مرة فى مرة فى مرة زهئ الزملكاوى وقال كدة مش هينفع لازم اشوف حل.........
راح لاتحاد الكورة............ .وحكلهم على الموضوع...المهم عمله اجتماع.....
واتفقوا .....ان الزملكاوى يسكن ارضى...والاهلاوى يسكن دور تانى.....فأتفقوا ووافقوا.....
وفى يوم الاهلاوى طالع.........قال الزملكاوى مين اللى طالع...
رد الاهلاوى وقال مين اللى بيتكلم........قاله انا الزملكاوى......
قالهه برده غلبناكم ستة واحد............ ......... ..




11-مره بيسألو سوق التاكسى ايه الفرق بين التاكسى والزمالك قال السواق التاكسى غلبان بيشل 4ركاب اما الزمالك بيشيل 6


12-إية الفرق بين برت بلس والزمالك؟؟؟؟؟؟
برت بلس 3*1 لكن الزمالك 3 في عبدالواحد

مره واحد زملكاوى قرأ النكت دى كلها جتله سكته قلبيه

=============================

نكت على الاهلى
============
ليه الاهلوية ما بيصوموش رمضان ؟

علشان بيخافوا م الهلال

=====================

ليه الاهلوية مابينزلوش بالليل ؟

علشان بيخافوا م النجم

=====================

ليه الاهلوية ما بيشربوش ميه ؟

علشان لو عطشوا هيقولوا (إنبو)

=====================

ليه مفيش ولا أهلوى انتحر بالنار ؟

علشان لما يولع ف نفسه هيجيب بترول من أسيوط

=====================

أهلاوي اخد من المعصرة
القصب في كيس .. قالوا لية ؟

قاله وجهك مش وجه كااااس

=====================

مرة واحد فتح موضوع نكت عن الزملكاوية

جه مشرف زملكاوى اداله تحذير

=====================

واحد اهلاوي قاعد في المدرجات عمال يقول اهلي اهلي الناس اتخضت عليه افتكروه تايه

=====================

سأل المفش كرومبو عن اسباب خروج الاهلي من كاس مصر وادالنا 3 اسباب نختار منهم
الاول : ابطال فيلم عبود علي الحدود
الثاني: اغنيه للصبر حدود
الثالث: نادي حرس الحدود
لو عرفت اتصل بسرعه وهتكسب روح الفانله الحمرا

=====================



ايه الفرق بين برت بلاس والاهلي؟

برت بلاس 3 في 1 لكن الاهلي 3 في الحضري

=====================

شعار الاهلي الرسمي هو
اشرب بيبسي .......اشرب فيروز ........واحد هربان.........والتاني محبوس

=======================


************

مدرس سأل طالب بلدياتنا، لما تكبر هاتكون إيه؟ قاله: عجوز طبعا!!

************

واحد بلدياتنا اتصل بالاستعلامات قال لهم إديني رقم المطافي،

الموظف قال له: 999

قال: يعني تلات تسعات؟

الموظف قال: أيوة تمام

قال: طيب أنا ماعنديش غير تسعة واحدة في التليفون.

قال له: والله إنك صعيدي صحيح.

قال له، ياعفريت، تلاقيك مركب كاشف

************

بلادينا قال لصاحبه: بتشرب قهوة بالليل؟

صاحبه قال له: أنا إذا شربت قهوة بالليل ما أقدرش أنام

بلدينا رد: أنا بقى عكسك، إذا نمت ما أقدرش أشرب قهوة
************

بلدينا بيفتح الثلاجة على مهله وببطء شديد ليه؟

عشان يكتشف مين بيفتح النور

************

بلدينا بيسأل صاحبه: هو الشيخ عبدالباسط عبدالصمد أخو الشيخ محمد متولي الشعراوي؟
قال له: يا أهبل ... ده مجرد تشابه أسماء

************

واحد بلدينا اتهموه بالذكاء ... طلع براءة

************

واحد بلدينا كلما يخلف ولد يموت، اتفق هو ومراته إذا جالهم ولد يسموه مبروك

يوم ما ولدت مراته، طلعت الممرضة، بيسألها، ها؟ إيه اللي حصل؟

قالت له: ألف مبروك يا حاج

رد قال: يا بووووي .... هأصرف عليهم منين دول كلهم؟

************

واحد بلدينا ماشي ع الرصيف

شاف واحد سأله: هو فين الرصيف الثاني؟

رد عليه: الناحية الثانية

بلدينا قال: حاجة تدوخ!! ... والله أنا سألت الناحية الثانية قالو لي هنا!!

************

واحد بلدينا عايز يعمل عملية انتحارية، قام دخل مطعم وضرب نفسه بسكين

تلاتة زباين ماتوا من الضحك!!!

************

تلميذين من بلدياتنا وصلوا المدرسة متأخرين

سأل الأستاذ واحد منهم كان بيعيط قوي: إيه اللي جابك متأخر كدة

قال وهو بيعيط: أصل الشلن بتاعي وقع مني وكنت عمال أدور عليه علشان ماعييش غيره

فسأل الثاني: طيب وإنت بقى كنت بتدور معاه برضه؟

قال: لا يا أستاذ، أنا كنت دايس ع الشلن برجلي !!

************

تسعة بلدياتنا حبوا يبقوا مشهورين، كونوا فرقة وسموا نفسهم ثلاثي أضواء المسرح

************

واحد في مأتم واحد بلدينا مات امبارح، بيسأل، هو بلدينا مات بإيه؟

رد عليه اللي جنبه: حط إيده في برميل مية نار

قال له: طيب وهو اللي يحط إيده في برميل مية نار يموت؟

قال له: لأ، ماهو لما مالاقاش إيده ... دخل راسه في البرميل عشان يدور عليها!!

************

بيقولك ليه بلدينا بيكون ذكي لما يطلع من الصعيد؟

علشان بيكون خارج نطاق التغطية

************

بلدينا من سوهاج سمع في النشرة إن فيه عاصفة جاية على سوهاج، كتب على مدخل المدينة: مرحبا بك في أسيوط

************

واحد بلدينا اتصل بالمطافي وقال لهم: إيه؟ هو يعني لو مافيش حريق مانشوفكمش خالص كدا؟

************

واحد بلدينا بيقول لواحد ثاني: عيني اليمين واجعاني قوي يابوي وكل ماافتحها أشوف نقط سودا

قال له: طيب شفت دكتور عيون ؟

قال له: يا بني آدم باقول لك شفت نقط سودا

************

واحد ياباني شغال في مشروع في قبلي، قام فات على بقالة عشان عايز يشتري عشر علب بيبسي،

قال لبلادينا: كوميهاني سيبة موفا كالاو بيبسي

بلدينا رد عليه: بتقول إيه؟ عايز عشر علب إيه؟

************

بلدينا راح عند القصر الجمهوري وكلم العسكري اللي هناك

قال له: أنا عايز أترشح لرئاسة الجمهورية

قال له العسكري: إنت حمار ولا إيه؟

بلدينا قال له: ليه؟ هو شرط يعني؟؟؟؟

************

بلدينا ماشي في جنازة

سأل واحد: هو المرحوم كان بيشتغل إيه؟

قاله : كان تربي

بلدينا قال: سبحان الله ... من حفر حفرة لأخيه وقع فيها

************

واحد صحفي بيسأل بلدينا: نسبة البطالة عندكم قد إيه؟

بلادينا : والله الصعيد كله أبطال.

************

إيه اللي بيكون مكتوب داخل أحذية بلدياتنا؟

ورقة مكتوب عليها: أدخل الأصابع أولا.

************
==================
====================
======================

واحد مستعجل اتجوز واحدة مستعجلة خلفوا واد مش فاضيلهم

*******************

غلس عمل ملجاء للايتام كل يوم يعمل اجتماع لاولياء الامور

*******************

صعيدى واقف عند الكعبة سمع الادان طلع يدور على جامع

*******************

صعيدى حب يطور الهليكوبتر شال المروحة وحط تكييف

*******************

واحد رخم نزل الشارع وقف قدام عمود ... قالوه عديني

*******************

رزل دبانة مزهقاه قطعلها جنحاتها وقالها خديها كعابى

*******************

رزل بيقول للبقال عندك سكر قاله اه قاله ربنا يشفيك

*******************

غلس بيعاكس واحدة قالتله حل عنى قالها فين الاسئلة

*******************

احسن خمس حاجات فى الدنيا تلاتة الشاى والقهوة

*******************

مرة واحد بلديتنا راح البحرين راح خد معاه ميوهين

*******************

صعيدى اشترى لابنه الة حاسبة شال منها الزيرو

*******************

صعيدى عايز نضارة بيسالوه للشمس قالهم لا ليا

*******************

صعيدى ماشى فى الصحرا وقعت عليه البلكونة

*******************

صعيدى حب يحتفل بعيد الطفولة شخ على نفسه

*******************

مرة واحد مسطول أحول |، جه يعيط قام ريل

*******************

صعيدى وصرصار بيتخانقو مين شنبه اطول

*******************

مره واحد اشترى لمبه مسمار دقها في الحيط

*******************

حكم كورة قعد على قهوة طلب واحد صفر

*******************

واحد بياكل لبانة حلف ماينام الا ماتخلص

*******************

واحد اشترى بنطلون جينز leeولاخواته

*******************

فرعون قعد على قهوة طلب واحد امون

*******************

الانسان زى البنى ادم لما بيموت بيتوفى

*******************

عفريت لبس صومالى مات من الجوع

*******************

واحد تزوج امرأه بيضه سلقها واكلها

*******************

واحد خلقه ضاق اداه لاخوه الصغير

*******************

فرخة اتجوزت فيل جابو اتشيكن فيليه

*******************

فرعونى حب واحدة قالها امون فيكى

*******************

مرة واحد فك مفترس معرفش يربطه

*******************

غلس عينوه فى المطافى غير النمرة

*******************

احول بيغمز لبنت دخل فى العامود

*******************

واحد سافر المغرب رجع العشاء

*******************

مرة واحد راح ماعرفش يرجع

*******************

واحد عداه العيب خد اللى بعده

*******************

صعيدى غرق مات محروق